Yau: a cruz primeiro, e non a desfagas

Yau non é outro método: é esta mesma Redución coas fases cambiadas de orde. Montas a cruz do 3×3 antes de emparellar as aristas, e a partir de aí todo o demais hai que facelo sen desfacela. Iso é o método enteiro. O que gañas é o que aforras ao final: cando chegas ao 3×3, a cruz xa está posta.

i Esta páxina dá por suposto que xa resolves o 4×4 por Redución: aquí non se explica como se montan os centros nin como se emparellan as aristas, enlázase. Se vés de cero, comeza por Redución.

Como en Redución, algunhas pezas saen en gris: é o que nese momento non importa. Aquí ademais verás sempre en cor as aristas da cruz, porque son xustamente as que non podes romper.

↔ Arrastra para rotar o cubo

—