Notación · 5×5

Aprende a ler as fórmulas do 5×5

Se vés do 4×4, aquí hai unha idea nova e outra que volve. A nova: o 5×5 ten tres capas por cada lado, así que podes xirar unha cara, dúas capas xuntas ou tres. A que volve: como o número de capas é impar, hai outra vez unha capa central — a mesma M/E/S do 3×3, que no 4×4 non existía.

🔤Todo en maiúscula, igual que no 4×4: Rw son 2 capas xuntas, 3Rw son 3, 2R é só a capa de dentro e M E S a do medio. No 5×5 non se usan minúsculas.

Proba a notación nun cubo de verdade

Preme un movemento e verás xirar o cubo. Arrastra para miralo desde outro ángulo.

O mesmo xiro, cambiando cantas capas arrastra

↔ Arrastra para rotar o cubo

Movementos—

Que podes facer aquí

As 6 carasIgual que no 3×3 e no 4×4: xiran só a capa de fóra. Con ' ao revés e con ² media volta.

Ancho de 2 capasXira a cara e a capa que ten detrás, as dúas á vez. É o que arrastra centros e ás.

Capa interiorXira só a capa que hai detrás da cara, sen arrastrala. É a que fai falta para arranxar as paridades: cunha capa ancha non se pode, porque sempre leva a cara consigo.

3Rw

Ancho de 3 capasTres capas de golpe. No 4×4 isto case non tiña sentido (3 de 4 capas é case o cubo enteiro); aquí é un movemento con entidade propia.

M E S

A capa centralXiran só a capa do medio. Volven do 3×3: no 4×4 non existían, porque un cubo de 4 capas non ten capa central.

x y z

Xirar o cubo enteiroNon resolven nada: cambian desde onde miras. Igual que no 3×3.

Letras de caraMostra ou agocha a letra de cada cara sobre o cubo, para orientarte mentres aprendes.

+ −

Achegar e afastarO 5×5 ten 25 pegatinas por cara: achégate se queres mirar unha en concreto.

ReiniciarDeixa o cubo resolto outra vez, sen recargar a páxina.

Mezclar

Mestura de competición60 movementos con caras e anchos, como as mesturas oficiais de 5×5.

Todo o que premas queda apuntado baixo o cubo, na liña de Movementos.

As pezas

Coñece as pezas do 5×5

O 5×5 ten 98 pezas visibles repartidas en tres tipos. E trae unha boa noticia de entrada: aquí os centros volven estar fixos, coma no 3×3.

Tres tipos de peza

8 pezas

Esquinas

Tres cores cada unha. Compórtanse exactamente igual que no 3×3 e no 4×4: son a parte fácil.

36 pezas

Arestas

Cada aresta do 3×3 pártese aquí en tres pezas: unha central e dúas ás aos lados. Hai que xuntar as tres antes de poder tratar a aresta coma unha soa.

54 pezas

Centros

Nove por cara. A do medio está fixa e xa di de que cor acaba esa cara — xusto o que lle faltaba ao 4×4.

💡Que o centro estea fixo agradécese: non hai que decidir que cor vai onde, coma pasaba no 4×4. A cambio seguen aparecendo paridades ao emparellar as arestas.

As caras e os seus nomes

Igual que no 3×3, as seis caras nomeanse pola súa posición en inglés, non polo seu color: R non significa vermello, significa a cara da dereita, sexa do color que sexa nese momento. A única diferenza física é que cada cara ten 25 pegatinas en vez de 9.

U L B F R D

Ves U, F e R. As outras tres están detrás,
na dirección que marca a súa letra.

UpArriba — a que mira ao teito

BackDetrás — a que non ves

RightDereita — a da túa man dereita

LeftEsquerda — a da túa man esquerda

FrontFronte — a que tes diante

DownAbaixo — a que apoia na mesa

As cores do recadro son as que usa esta web, pero o teu cubo pode telas dispostas doutra forma. O que nunca cambia é a posición: a cara de arriba é U aínda que sexa azul.

Como se resolve

A idea é a mesma que no 4×4: reducir o 5×5 a un 3×3 normal. Primeiro constrúense os centros, logo xúntanse as arestas de tres en tres, e a partir de aí é un 3×3 de toda a vida.

Redución

Centros, logo arestas, logo un 3×3 normal, e algún caso de paridade ao final. É o método dominante e o que ten o récord do mundo.

Método profesional (Yau5)

Os mesmos ingredientes, reordenados a propósito para aforrar movementos. Máis rápido, algo máis que aprender de entrada.

⚡Os dous están explicados paso a paso, con cubo 3D: ver Redución → ou ver Yau5 →.